Ky modul fokusohet në menaxhimin e ankesave dhe apelimeve administrative në nivel vendor, duke ofruar njohuri mbi procedurat dhe mekanizmat ligjorë që mundësojnë zgjidhjen e konflikteve mes qytetarëve dhe institucioneve të administratës publike. Pjesëmarrësit do të analizojnë proceset e regjistrimit, shqyrtimit dhe zgjidhjes së ankesave dhe apelimeve, si dhe rolin e autoriteteve dhe organeve të ngarkuara për të garantuar drejtësinë dhe transparencën. Moduli gjithashtu do të shqyrtojë sfidat e mundshme që lidhen me menaxhimin e ankesave dhe apelimeve, si dhe praktikat më të mira për të siguruar një proces efikas dhe të drejtë.
Qëllimi i këtij moduli është të ofrojë pjesëmarrësve njohuri të thella mbi procedurat e menaxhimit të ankesave dhe apelimeve në administratën publike lokale. Moduli synon t’i ndihmojë pjesëmarrësit të kuptojnë mënyrat për të përmirësuar sistemet e ankesave, të identifikojnë sfidat që lidhen me këto procese dhe të zhvillojnë aftësitë për të menaxhuar ankesat dhe apelimet në mënyrë efikase dhe transparente.
Ky modul fokusohet në menaxhimin e kapitalit natyror në nivelin lokal, duke u përqendruar në ruajtjen e burimeve natyrore dhe zhvillimin e qëndrueshëm. Pjesëmarrësit do të mësojnë se si të përdorin burimet natyrore për të siguruar zhvillimin ekonomik dhe social të zonave lokale, ndërkohë që ruajnë mjedisin dhe respektojnë parimet e zhvillimit të qëndrueshëm.
Qëllimi i këtij moduli është të ndihmojë pjesëmarrësit të kuptojnë menaxhimin e kapitalit natyror dhe ndikimin e tij në zhvillimin e komunitetit lokal. Moduli gjithashtu synon t’i përgatisë ata të hartojnë dhe zbatojnë strategji të menaxhimit të burimeve natyrore që mbështesin zhvillimin e qëndrueshëm.
Moduli ofron një kuptim të thellë mbi funksionimin dhe organizimin e komisioneve të përhershme të Këshillit Bashkiak, duke analizuar rolin dhe përgjegjësitë e këtyre komisioneve në proceset vendimmarrëse të pushtetit vendor. Pjesëmarrësit do të shqyrtojnë mënyrën se si komisionet bashkëpunojnë me organet e tjera të administratës publike dhe do të mësojnë rreth procedurave të miratimit të akteve dhe vendimeve në nivel lokal. Moduli gjithashtu do të theksojë rëndësinë e transparencës, pjesëmarrjes dhe mbikëqyrjes efektive të komisioneve të Këshillit Bashkiak.
Qëllimi i këtij moduli është të zhvillojë aftësitë e pjesëmarrësve për të kuptuar strukturën dhe funksionimin e komisioneve të përhershme të Këshillit Bashkiak. Pjesëmarrësit do të njohin procedurat e vendimmarrjes dhe do të mësojnë se si të kontribuojnë në përmirësimin e funksionimit të këtyre komisioneve përmes transparencës dhe efikasitetit.
Ky modul ofron njohuri të thella mbi legjislacionin dhe strukturat e vetëqeverisjes vendore në Shqipëri, duke përfshirë proceset e decentralizimit dhe rolin e këshilltarëve në menaxhimin e burimeve lokale. Pjesëmarrësit do të shqyrtojnë marrëdhëniet ndërmjet Qeverisë Qendrore dhe Vetëqeverisjes Vendore, si dhe strategjitë për mirëadministrimin dhe buxhetimin efektiv.
Qëllimi i trajnimit është të njohë pjesëmarrësit me legjislacionin themelor që rregullon veprimtarinë e vetëqeverisjes vendore, të zhvillojnë aftësi për të kuptuar dhe zbatuar përgjegjësitë e tyre si këshilltarë, si dhe të theksojnë rëndësinë e transparencës dhe llogaridhënies në administratën publike.
Pjesëmarrës në trajnime Janar - Dhjetor 2024
Pjesëmarrës nga pushteti qendror Janar - Dhjetor 2024
Pjesëmarrës nga pushteti vendor Janar - Dhjetor 2024
Pjesëmarrës nga institucionet e pavarura Janar - Dhjetor 2024
PJESËMARRËS NË TRAJNIME PËR INTEGRIMIN EVROPIAN Janar - Dhjetor 2024
Mars
2025
Balanca mes etikës dhe të drejtave politike të nëpunësve